«Арыс қалалық білім бөліміне» қарасты «Арыс жалпы білім беретін мектеп» КММ-де 12.12.2024 жылы 7-сыныптар арасында дене шынықтыру пәнінің мұғалімі Әлімбаев Мелдебидің ұйымдастыруымен «Спорт — біздің серігіміз» тақырыбында эстафеталық жарыс өтті.
Мақсаты: оқушыларды ойын кезінде өзін-өзі бақылау арқылы белсенділікке, сенімділікке, қайсарлыққа, батылдыққа, ұйымшылдыққа тәрбиелеу. Сайыста оқушылар «Жалын» және «Сұңқар» деген атпен екіге бөлініп, әртүрлі командалық жарысқа түсті және команда капитандарының сайысы болды. Сайыста оқушылар өте жақсы белсенділік танытты. Сайыс нәтижесінде «Сұңқар» командасы алға шығып, жеңімпаз атанды. Командалар мен команда капитандары марапатталды.
