Түркістан облысының білім басқармасының «Арыс қаласының білім бөлімі» мемлекеттік мекемесіне қарасты «Арыс жалпы білім беретін мектеп» коммуналдық мемлекеттік мекемесінің кітапхашылары А. Пердебекова мен Г. Каблашова «Оқуға құштар мектеп» жобасы аясында «Алаш ардақтысы - Ж. Аймауытовқа 135 жыл» тақырыбында танымдық сабақ өткізді. Мақсаты: оқушыларға ақынның өмірі мен шығармашылығы туралы толық мағлұмат беру, шығармаларының тілін, мазмұнын түсіндіру; оқушылардың сөйлеу тілін, қабылдау, қабылдағанды түйсіну, есте ұзақ сақтау қабілеттерінің жетілуіне ықпал ету, өз ойын еркін жеткізе білуге дағдыландыру, шығармашылық дарындарын ұштау; өнерді сүю, әнге құштарлық, өнер адамдарына деген көзқарасты қалыптастыру, өнер құдіретін сезінуге тәрбиелеу, шығарма мәтіндерін арқау ете отырып, рухани - адамгершілік бағытында тәрбие беру.
