"Арыс қаласының білім бөлімі" мемлекеттік мекемесіне қарасты "Арыс жалпы білім беретін мектеп" коммуналдық мемлекеттік мекемесінде ДОІЖО: К.Турегельдиеваның ұйымдастыруымен "Язык-символ нации, language-symbol of nation" атты орыс тілі мен ағылшын тілі онкүндігі аясында, орыс тілі мен әдебиеті пәнінің мұғалімі Ахметова Улсерик 7 "А" сыныбымен ашық сабақ өткізді. Сабақтың тақырыбы «Что такое ЗОЖ».
Оқу мақсаты:
7.1.2.1 – оқу-оқыту тақырыбына байланысты сөздердің мағынасын түсіну;
7.3.2.1 – мәтіннің түрін талдай отырып, оны дәлелдермен ажырату;
7.4.2.1 – тыңдаған немесе оқыған материалға негізделген қысқаша мазмұнын баяндау.
Ұйымдастыру кезеңі: Мұғалім сабақты нейрогимнастикамен бастады. Үй тапсырмасын сұрақ қою арқылы тексерді. Оқушылар белсенді жауап берді.
Оқушыларды «Овощи» және «Фрукты» тақырыптары бойынша екі топқа бөлді. Сабақ барысында топтық жұмыс, жұптық тапсырмалар, саралау (дифференциация) әдістері қолданылды. «Верные и неверные утверждения», «Заполнение слепой таблицы» әдістері пайдаланылды. Сонымен қатар, «здоровье», «режим», «питание», «еда» сөздеріне синквейн құру тапсырмалары да орындалды. Мұғалім сабақта оқушыларға дұрыс бағыт-бағдар беріп, әдіс-тәсілдерді тиімді қолдана білді. Сабақ барысында мұғалім мен оқушылар тарапынан бағалау дер кезінде жүргізіліп, кері байланыс орнатылды. Сабақтың мақсатына жетілді.
