Арыс қалалық білім бөлімі мемлекеттік мекемесіне қарасты "Арыс жалпы білім беретін мектеп" коммуналдық мемлекеттік мекемесінде "Язык-символ нации, language-symbol of nation" атты орыс тілі мен ағылшын тілі онкүндігінің ашылу салтанаты өтті.
Іс-шараның мақсаты:
- Тілдерді үйренуге қызықтыру. Қатысушыларды орыс және ағылшын тілдерін үйренуге ынталандыру, олардың маңыздылығын көрсету.
- Мәдениетті насихаттау. Екі тіл арқылы мәдениеттердің өзара байланысын және байлығын көрсету.
- Шығармашылық қабілеттерін ашу.
- Достықты нығайту. Әртүрлі ұлттардың бірлігін және өзара түсінігін нығайту.
Ашылу салтанатын орыс және ағылшын тілдерінде екі жүргізуші жүргізді. Іс-шарада орыс және ағылшын тілдерінде көрініс көрсетіліп, өлең шумақтары айтылып, ән шырқалып, ағылшын би нөмірлері көрсетілді. Сонымен қатар, залдағы оқушылармен заманауи құралдар арқылы LED-экраннан KAHOOT платформасымен тілдік деңгейлерін тексеру мақсатында кішігірім жарыс ұйымдастырылып, жүлделі орындарға сыйлықтар берілді.
Ойынның мақсаты: "Оқушыларды шет тілдерін үйренуге ынталандыру".
Іс-шараны оқушылар "Әрқашан күн сөнбесін" әнін орыс және ағылшын тілдерінде шырқап аяқтады.
