Түркістан облысы, «Арыс қалалық білім бөлімі» мемлекеттік мекемесіне қарасты «Арыс жалпы білім беретін мектеп» коммуналдық мемлекеттік мекемесінде 16 желтоқсан – ҚР Тәуелсіздік күні мерекесі қарсаңында «Тәуелсіздік – бар қазақтың орындалған арманы!» тақырыбындағы іс-шара жоспары бойынша «Тәуелсіздік – бар қазақтың орындалған арманы!» мерекелік әдеби-музыкалық концерттік бағдарлама өтті.
Сонымен қатар, әр сыныпта ҚР Тәуелсіздігі мерекесіне орай бұрыш ұйымдастырылды.
Мақсаты: Тәуелсіздік туралы терең мағлұмат беру. Ата-бабамыздың тәуелсіздік жолындағы ерлігін үлгі етіп, өз Отанына деген сүйіспеншілікті, еліне, жеріне, халқына адал қызмет етуге тәрбиелеу. Тәуелсіз еліміздің жетістіктерімен таныстырып, білімдерін тереңдету. Тәуелсіздікті аңсаған ата-бабамыздың арманы орындалып, осыған жету үшін қаншама қиын жолдардан өткенін ұғындыру. Оқушылардың өнерге деген қызығушылығын арттыру.
Жоспары:
- Әнұран
- Мектеп әкімшілігінің құттықтау сөзі
- Ән. Жақсыбек Мадина – «Қазақстан Отаным»
- Күй. «Көксерек»
- Әдеби монтаж
- Хор. «Тәуелсіздік»
- Көрініс. «Желтоқсан желі ызғарлы»
- Би. «Қамажай»
Тәуелсіздік – бар қазақтың орындалған арманы. Қазақ халқы жылдар бойы еркіндік жолында, ұлан-байтақ жері үшін, ата-бабадан келе жатқан ұлттық құндылықтарды сақтау үшін басынан небір зұлмат жылдарды өткізді. Өткен тарихымызды бүгінгі ұрпақтың жадында қалдыру біздің басты міндетіміз.
Жауапты: Бірлестік жетекшілері.
