Арыс қаласының Білім бөлімі ММ қарасты "Арыс жалпы білім беретін мектеп" коммуналдық мемлекеттік мекемесінде директордың оқу жұмысы жөніндегі орынбасары К. Турегельдиеваның ұйымдастыруымен "Өмірімді өнермен бейімдеймін" тақырыбында дене шынықтыру, еңбекке баулу, музыка, бейнелеу өнері, АӘД пәндері пәндерінің онкүндігі барысында 25. 04. 2025ж күні Алимбеков Мелдеби 7 - 8 сыныптар арасында "Волейбол" үйірмесінен ашық сабақ өтті. Тақырыбы: "Тігінен шабуылдау соққысын тордан асыра орындау" Сабақтың мақсаты: Оқушыларға ойын техникасының элементтерін, соның ішінде тігінен шабуылдау соққысын тордан асыра орындау әдістерін үйрету, командалық ауызбіршілікті нығайту. Қорғаныста ойнау әдісін және тактикалық ойын үлгісін үйрету. Оқушылар қатарға тұрғызылып, техника қауіпсіздігін ескере отырып, бой жазу жаттығуларын, тыныс алу жаттығуларын жасады. Жаңа сабақты түсіндіре отырып, қосымша мәліметтер бере білді. Сабақ барысында волейбол техникасын, алға қойылған мақсатқа қол жеткізу үшін ойын кезінде қолданылатын арнайы әдіс - тәсілдер таныстырып, әртүрлі әрекеттерін орындатты. Екі жақты волейбол ойыны ойнатылды. Сабақ мақсатына жетті.
